聽聞囚友都幾鍾意收到youtube片。
如果想寄囚友，首先要將條youtube整成文字版先可以印出黎。
要文字版嘅youtube片，當然係睇下有冇人有做啦。
燕子生命有個「Youtube機頂盒」計劃，裏面有好多片可供使用。另外，我自己都有做一啲（附喺文末）。
如果有片冇人有做，咁你就可以選擇自己做，都唔係好難嘅啫。
有幾個方法可以令整文字版youtube片，變得簡單啲。當然，唔係每一條片都適用，我詳細咁講清楚。
一、如果條片有cc字幕，係可以複製出返嘅。
你要去條片個頻道名、訂閱、讚倒讚、分享嗰行嗰三點度，㩒入去，揀顯示轉錄文字。
跳出嚟嘅字幕框再㩒三點有得切換時間戳點，之後就可以成個字幕複製走。
二、用Subanana。
佢喺一個程式，用AI將聽到嘅嘢轉做文字。佢話支援廣東話、國語／普通話、英文，準確度都可以。
佢有免費版，咁免費版當然有限制。要條片15分鐘內（超過15分鐘嘅片，你知道點做嘅），字幕檔唔可以下載等。
免費仔嘅你（我）就成為複製工人，將條片啲字幕逐句逐句copy出嚟。
網址喺度 https://plus.subanana.com/ 要用google帳號（如果著重網絡私隱，自己留意）。
三、成條片自己逐隻字打。
你好叻啊，加油。
通用事項：
1.整片係要加工架！！！
2.如果條片喺自己整嘅話，要將一句句嘅字幕加返標點符號同分段，變成一篇文咁。因為文字冇畫面又冇語氣，如果只係得一句句其實係分唔到前文後理，睇嘅人好難理解到條片。
3.承上，因為得文字，冇畫面同語氣，係需要加返啲個人講之外嘅嘢，令睇嘅人唔會睇少咗啲嘢。
4.可以cap返啲圖出嚟，用於輔助說明，亦可以單純show啲得意畫面。
點樣知道囚友想睇咩片？
你可以根據你對佢了解；你想分享咩俾佢；佢睇開咩頻道；或者問佢鍾意／想睇咩類型（燕子生命嘅「Youtube機頂盒」有分類可以揀）；甚至複製啲條片嘅題目俾佢揀（我都仲摸索緊、溝通緊。）
有咩想補充、想問，觀迎留言交流。
－－－－－－
附錄
我做嘅片（上傳唔到圖片，唔知點解）：
l 🍦我喜歡吃冰淇淋🍦| 但是二戰美軍更喜歡，死前也要吃一口的聖品？►《📖歷史穿越劇📖》EP.57
l 【歐耶老玩笑脫口秀】如果你有台時光機 能回到過去... 你會對自己說什麼?｜23 COMEDY 首演｜老師雞開老玩笑 : 只是來紓壓系列
l 人生努力也沒用？科學家破解為什麼比你笨的人卻比你成功！魯蛇真的比較衰？2022搞笑諾貝爾獎
l 遊戲公司是如何讓你課金一單接一單的? | 一探啾竟 第56集 | 啾啾鞋
