孩願
【第一幕】
【第一幕】
場境：家
一開場，幕關。屏幕放映一段影片。
影片放映至中段，幕開。
觀眾可以從屏幕旁看到舞台上有個十多歲的男孩微微曲着背坐在電腦前。
母：坐直個人啦。
孩：哦。（坐直及拉後身子，但一會重回曲背姿勢。）
（影片播完，屏幕升起，可以看到家的全貌。男孩繼續玩電腦。）
（一會）
媽：快啲熄機
仔：好快熄喇……
媽：阿爸都好快返喇。
仔：得喇，熄啦熄啦。
媽：洗手先去食飯。
仔：哦。
（一會）
媽：（從廚房探頭出來）吓！仲未熄啊……
仔：熄緊……
（母親見男孩回應了，便回廚房繼續燒飯。）
仔：好快熄喇……
媽：阿爸都好快返喇。
仔：得喇，熄啦熄啦。
媽：洗手先去食飯。
仔：哦。
（一會）
媽：（從廚房探頭出來）吓！仲未熄啊……
仔：熄緊……
（母親見男孩回應了，便回廚房繼續燒飯。）
（男孩仍然是應了聲但沒反應，依舊彎着身子玩電腦）
（傳來鑰匙插進匙孔和鑰匙轉動的聲音）
孩：（快快關上電腦，到盥洗間洗手）
（父親進場）
母：（從廚房探頭）你返黎啦。食得飯架啦。
父：哦。（坐下，放下工事包和鑰匙，脫鞋）
孩：（從盥洗間走出來，朝父親點點頭）
父：唔。（說罷走進盥洗間）
（此時母親把飯餸從廚房拿出來）
（男孩安坐在飯桌旁等候）
（母親把所有東西都放好之後，也坐下來）
父：（從盥洗間出來，到飯桌前坐下）好，開飯。
（大家默默地吃飯）
母：阿仔，點啊？今日第一日返中學，返成點啊？
孩：都OK啦。
父：有無功課啊？
孩：有啊，有篇「我的志願」的作文。
父：咁做咗未啊？
孩：（吃兩口飯，低聲）未……（抬頭，看到父親的怒容連忙補充）無……無，我頭先未諗到點寫……
母：（迅速接應）咁而家諗到未啊？
孩：頭先睇咗條片，諗到啦。
（頓一頓）
孩：我想做個清潔員。
父：清……清潔員！（拍桌大叫）清潔員！無啲大志架你！都唔知我俾咁多幾供書教學做密鬼！
孩：（低頭，抓緊自己的筷子，咬緊牙根，一語不發）
（不一會）
父：我食飽啦。（站起來，盯了兒子一下，才離開，回房間）
孩：（待父親離去，才繼續吃飯）
孩：（吃了幾口）媽咪啊，你記唔記得我細個嘅時啊？果時……
【第一幕完】
【第二幕】
場境：巴士
孩：又停咗係到。
母：咁整路啊麻。
孩：（爬起來，跪在椅子上）媽咪，媽咪，出面有啲人着黃色衫，戴「頭盔」，咩人黎架？
母：（探頭過來）哦，果啲係修路工人。同埋佢地戴嘅係安全帽唔係頭盔。
孩：修路工人係做咩架？
母：佢地負責整返好條路，等啲車可以行囉。
孩：即係修路工人令我地之後唔駛等咁耐。
母：係啊，佢地好辛苦咁為我地服務架。
【第二幕完】
【第三幕】
場境：家
母：好似有件咁嘅事……
孩：之後，我曾經聽過好多次另一種講法。（微微一頓）其他人會同啲仔女講：「呢啲就係修路工人啦，你讀唔成書就做果啲架啦。」（再微微一頓）媽咪，職業唔係無分貴賤架咩？
母：呢啲野，你大個就明架啦。食飯啦。
【第三幕完】
【全劇終】
後記：
不知為何再次不是小說而是劇本。
對不起，我寫了三天還是這樣。人物怪怪的，開頭情節推進很慢……
沒有留言:
發佈留言